Færeyska skipið Júpiter kom til Fáskrúðsfjarðar í morgun með um 1900 tonn af loðnu. Unnin verða hrogn úr farminum hjá LVF.

Hoffell er á landleið með um 1030 tonn af loðnu. Áætlaður komutími er um 21:30. Skipið heldur til sömu veiða að löndun lokinni.

Hoffell er nú að landa um 1130 tonnum af loðnu. Skipið heldur aftur til sömu veiða að löndun lokinni.

Kap VE., skip Vinnslustöðvarinnar hf., landaði hjá LVF mánudaginn 25. febrúar s.l. 1236 tonnum af loðnu í bræðslu.

Í dag er verið að landa úr færeyska skipinu Fagrabergi um 1300 tonnum af loðnu. Loðnan fer í bræðslu hjá LVF.

Færeyska skipið Christian í Grótinum er væntanlegt til Fáskrúðsfjarðar í dag með um 1000 tonn af loðnu til vinnslu hjá LVF.

Ljósafell kom til Fáskrúðsfjarðar í morgun með um 54 tonn, aðallega þorsk og karfa. Skipið verður nú útbúið í togararall Hafró og verður í rallinu næstu tvær vikurnar. Ljósafell fer út á þriðjudag.

Hoffell kom til Fáskrúðsfjarðar í gær með um 1000 tonn af loðnu til vinnslu hjá LVF.

Færeyska skipið Fagraberg kom til Fáskrúðsfjarðar í morgun með um 2500 tonn af loðnu. Skipið bíður löndunar hjá LVF., en verið er að klára löndun úr Hoffelli.

Hoffell kom til Fáskrúðsfjarðar í morgun með um 1000 tonn af loðnu. Loðnan fer í frystingu og bræðslu hjá LVF.

Ljósafell landaði í gær liðlega 60 tonnum af bolfiski. Aflinn var aðallega þorskur og karfi. Skipið heldur aftur til veiða á morgun (miðvikudag) kl. 13.00.

Hoffell er á heimleið með 1250 tonn af loðnu og verður komið í nótt. Skipið heldur aftur til sömu veiða að löndun lokinni.