Saga Loðnuvinnslunnar

Loðnuvinnslan h/f (LVF) var stofnuð á Fáskrúðsfirði 29. október 2001 og hóf rekstur hinn 1. janúar 2002. Rekstur fyrirtækisins varð til við samruna sjávarútvegshluta og iðnaðarstarfsemi Kaupfélags Fáskrúðsfirðinga og Loðnuvinnslunnar h/f., sem rak nýja fiskimjölsverksmiðju frá því í janúar 1996, en það félag var stofnað 20. september 1994.

Kaupfélag Fáskrúðsfirðinga (KFFB) sem stofnað var 6. ágúst 1933 er því móðurfélag og aðaleigandi hins nýja fyrirtækis með 82,98% hlutafjárins, en hluthafar voru alls um 174 hinn 31/12 2015 og áttu þá 10 stærstu hluthafarnir 98,19% í félaginu.

LVF rekur fiskimjölsverksmiðju, frystihús, síldarsöltun og gerir út ísfisktogarann Ljósafell SU 70 og flottrolls- og nótaveiðiskipið Hoffell SU 80. Þá rekur LVF vélaverkstæði, rafmagnsverkstæði og trésmíðaverkstæði.  Á árinu 2016 keypti dótturfélag LVF Hjálmar ehf línubát með veiðiheimildum frá Grindavík.  Báturinn heitir Sandfell. 

LVF starfrækir frysti- og kæligeymslu og ísframleiðslu með sjálfvirkri afgreiðslu.

Tilgangurinn með því að sameina þennan rekstur var m.a. að laga reksturinn að því félagsformi sem ráðandi er í dag og til að skapa starfseminni betri möguleika til þess að aðlaga sig að gjörbreyttu umhverfi í rekstri sjávarútvegsfyrirtækja.

Félagið hefur á að skipa góðu starfsfólki sem langflest er heimamenn á Fáskrúðsfirði og því mjög stöðugt vinnuafl. LVF hefur góðan búnað til rekstrar, m.a. fiskimjölsverksmiðju, frystihús, síldarsöltun, auk vel útbúinna þjónustudeilda. Skipum félagsins hefur ávallt verið mjög vel við haldið.