réttatilkynning frá stjórnum Kaupfélags Fáskrúðsfirðinga og Loðnuvinnslunnar hf.

Gísli Jónatansson kaupfélagsstjóri Kaupfélags Fáskrúðsfirðinga og framkvæmdastjóri Loðnuvinnslunnar hf lætur af störfum í lok sumars eftir 38 ára farsælt og óeigingjarnt starf sem framkvæmdastjóri félaganna. Friðrik Mar Guðmundsson hefur verið ráðinn í hans stað og tekur hann við starfinu 1. september n.k. Friðrik Mar hefur unnið við ýmis stjórnunarstörf í gegnum árin og er nú framkvæmdastjóri Mjólku ehf og Vogabæjar ehf. Þar áður var Friðrik Mar framkvæmdastjóri Matfugls ehf., Tanga h/f á Vopnafirði og kaupfélagsstjóri Kaupfélags Stöðfirðinga. Þá hefur hann setið í stjórnum ýmissa fyrirtækja m.a. sem stjórnarformaður Loðnuvinnslunnar hf frá árinu 2004.
Frekari upplýsingar: Gísli Jónatansson, framkvæmdastjóri, sími 470-5000.

Friðrik Mar Guðmundsson ráðinn kaupfélagsstjóri Kaupfélags Fáskrúðsfirðinga og framkvæmdastjóri Loðnuvinnslunnar hf frá 1. september 2013.

Að undanförnu hafa starfsmenn fiskimjölsverksmiðju og vélaverkstæðis, auk annarra iðnaðarmanna, unnið að umfangsmiklum breytingum á fiskimjölsverksmiðju LVF. Verið er að bæta við þeim möguleika að framleiða gufu með rafskautskatli í stað olíukatla. Auk þess hefur verið unnið að því að minnka útblásturs- og lyktarmengun frá verksmiðjunni. Meðal annars hefur verið smíðaður nýr skorsteinn sem mun verða um 50 m á hæð og er þetta trúlega stærsta stykki sem smíðað hefur verið af starfsmönnum á vélaverkstæði LVF. Á myndinni má sjá hvar verið er að hífa þriðju eininguna í nýja skorsteininn. Ennþá á 14 m eining eftir að bætast við og verður þá skorsteinninn kominn í 50 m hæð. Umsjón með þessum framkvæmdum hefur Páll Sigurðsson, verkfræðingur. Páll hafði einnig yfirumsjón með uppsetningu á vélbúnaði verksmiðjunnar þegar hún var byggð árið 1995.