Tap af rekstri Loðnuvinnslunnar h/f árið 2006 nam kr. 38,8 millj. eftir skatta, en árið 2005 var hagnaður félagsins kr. 44 millj.

Það sem einkum veldur þessum viðsnúningi á rekstrarniðurstöðu miðað við fyrra ár er, að fjármagnsliðir eru nú neikvæðir um kr. 361 millj., en voru jákvæðir um kr. 558 þús. árið 2005, sem stafar aðallega af breytingum á gengi íslensku krónunnar.

Rekstrartekjur félagsins að frádregnum eigin afla voru kr. 2.521 millj. og hækkuðu um kr. 257 millj. eða um 11,4% frá fyrra ári. Hagnaður fyrir afskriftir og fjármagnsliði nam kr. 513 millj., sem er 20,3% af tekjum, en var kr. 246 millj. eða 10,9% árið áður. Veltufé frá rekstri var kr. 357 millj. eða 14,2% samanborið við kr. 180 millj. og 8% árið 2005. Afskriftir voru kr. 199 millj. og hækkuðu um 2,8% á milli ára.

Eigið fé félagsins í árslok var kr. 1.568 millj., sem er 48% af niðurstöðu efnahagsreiknings, en árið 2005 var eiginfjárhlutfallið 50%. Nettó skuldir voru í árslok kr. 1.133 millj. og hækkuðu um kr. 3 millj. frá árinu 2005. Veltufjárhlutfall var nú 0,92 miðað við 0,77 árið á undan.

Hlutafé Loðnuvinnslunnar er kr. 700 millj. og voru hluthafar 207 í árslok. Stærsti hluthafinn er Kaupfélag Fáskrúðsfirðinga með um 83% eignarhlut. Gengi hlutabréfa félagsins var í árslok 3,8.

Aðalfundur Loðnuvinnslunnar var haldinn 29. mars s.l. og samþykkti fundurinn að greiða 5% arð til hluthafa eða kr. 35 millj.

Færeyska skipið Finnur Fríði landaði 2.501 tonnum af kolmunna til bræðslu í dag. Aflinn veiddist á Rockall svæðinu, en aðal kolmunnaveiðin er þar sem stendur.

Loðnuvinnslan h/f óskar eftir að ráða verkstjóra í fiskvinnslu, sem gæti hafið störf 1. júní 2007.

Skriflegar umsóknir, sem greini aldur, menntun og fyrri störf, sendist til Gísla Jónatanssonar, framkvæmdastjóra.

Sameiginlegur aðalfundur Innri- og Ytri-deildar KFFB verður haldinn mánudaginn 26. mars 2007 kl. 20.00 í kaffistofu frystihússins.



Aðalfundur Kaupfélags Fáskrúðsfirðinga verður haldinn á Hótel Bjargi fimmtudaginn 29. mars 2007 kl. 17.30.



Aðalfundur Loðnuvinnslunnar h/f verður haldinn á Hótel Bjargi fimmtudaginn 29. mars 2007 kl. 18.30.

Færeyska skipið Jupiter kom til Fáskrúðsfjarðar í nótt með um 2000 tonn af kolmunna. Kolmunninn veiðist nú vestur af Írlandi og var um 490 sjómílna sigling til Fáskrúðsfjarðar. Þetta er þriðji farmurinn af kolmunna sem Loðnuvinnslan tekur á móti í ár og hafa nú borist um 6000 tonn af kolmunna til Fáskrúsfjarðar það sem af er árinu.

Færeyska skipið Carlton kom til Fáskrúðsfjarðar í morgun með um 1400 ton af kolmunna.

Í gærkvöldi kom Finnur Fríði til Fáskrúðsfjarðar með 1.700 tonn af loðnu og í nótt kom Saksaberg með 700 tonn og bíður löndunar. Þá er Hoffell á leið til Fáskrúðsfjarðar með um 1200 tonn.

Færeyska skipið Finnur Fríði kom til Fáskrúðsfjarðar í nótt með um 2100 tonn loðnu, en loðnuna fékk skipið út af Garðskaga. Þá er Hoffell á leið til Fáskrúðsfjarðar með 1200 af loðnu. Frysting loðnuhrogna er nú í fullum gangi hjá LVF og í gær höfðu verið fryst liðlega 400 af hrognum og 1640 tonn af loðnu.

Byrjað var að frysta loðnuhrogn hjá LVF

laugardaginn 17. febrúar, en þá voru fryst um 60 tonn úr Hoffelli. Sama dag landaði færeyski báturinn Norðborg um 1400 tonnum af loðnu og voru hrogn einnig fryst úr þeim farmi. Í morgun er verið að landa úr Finni Fríða um 2300 tonnum af loðnu og Hoffell bíður með með um 1200 tonn svo að hrognavinnsla heldur áfram hjá LVF næstu daga. Þá er búið að frysta um 1600 tonn af loðnu hjá LVF, sem er að stærstum hluta fyrir Austur-Evrópu markað, en í síðustu viku var afskipað um 1000 tonnum sem fóru á Rússlandsmarkað.

Norska skipið Senior kom til Fáskrúðsfjarðar í morgun með um 400 tonn af loðnu. Það er ekki í frásögur færandi nema að því leyti að Senior landaði hér svipuðum farmi í gær og fékk aflann út af Austfjörðum, þar sem norsku skipin mega aðeins veiða fyrir norðan 64° til 15. febrúar.

Í dag er norska skipið Senior að landa um 400 tonnum af loðnu.

Norska skipið Röttingöy landaði í gær um 500 tonnum af loðnu hjá LVF.