Hoffell SU
Hoffell kom inn í dag með tæp 1.600 tonn af kolmunna sem veiddur var vestur af Írlandi. Veiðiferðin gekk vel þrátt fyrir að veðrið getur verið vont á þessu svæði. Um 800 mílur eru af miðunum til Fáskrúðsfjarðar. Núna verður skipið gert klárt til loðnuveiða
Ljósafell SU
Ljósafell landaði í Þorlákshöfn sl. laugardag tæpum 100 tonnum, 50 tonn karfi, 30 tonn ufsi, 10 tonn þorskur og annar afli.
Skipið fór út að lokinni löndun og áætlað er að landa næst fyrir austan.
Höfnin á Fáskrúðsfirði
Norsku skipin hafa sett svip sinn á staðinn síðustu daga. Staðan í dag í loðnunni er sú að Havdrøn er enn undir. Slaatterøy losar sig síðan við smá slatta, 65 tonn áður en hann heldur til kolmunnaveiða við Írland. Steinevik bíður með 170 tonn, Ligrunn með 265 tonn og svo var Rav sem var að koma inn með 270 tonn. Unnið er dag og nótt auk þess sem vinnsla er á bolfiski í frystihúsinu. Hörkumannskapur í vinnu á öllum vígstöðvum sem gerir þetta kleift.
Loðnulandanir
Líflegt hefur verið við höfnina á Fáskrúðsfirði síðustu daga. Á efri myndinni er H. Östervold á förum eftir að hafa landað um 694 tonnum af loðnu, og í hans stað kemur að bryggju Strand Senior með um 125 tonn. Á neðri myndinni er svo Slatteroy sem landar um 65 tonnum í dag. Öll þessi skip halda svo til kolmunnaveiða við Írland að löndun lokinni.
Havdrön landar
Havdrön fór héðan út um hádegi og kemur inn í kvöld með 460 tonn af loðnu til frystingar á Japan.
Ljósafell SU
Ljósafell kom inn í dag með tæplega 100 tonna afla. 45 tonn ufsi, 22 tonn karfi, 10 tonn þorskur og annar afli.
Röttingoy landar
Norska skipið Røttingøy skellti sér undir þegar Steinevik hafði lokið löndun. Skipið er með 140 tonn af loðnu til frystingar.
Östervold landar
H. Östervold kemur í kvöld með 650 tonn af góðri loðnu til frystingar. Loðnan er komin með Japansþroska.
Þetta skip hefur oft komið með loðnu til Fáskrúðsfjarðar.
Loðnulöndun
Steinevik kemur í nótt með 450 tonn af loðnu sem er fullþroskuð fyrir Japansmarkað.
Loðnan var fengin í aðeins aðeins 3 tíma siglingu frá Fáskrúðsfirði.
Loðnulandanir
Í kvöld kemur Ingrid Majala með rúm 150 tonn af loðnu til frystingar og í nótt kemur svo Sæbjörn með 430 tonn af loðnu til frystingar.
Loðnan er fersk og falleg enda veiðin aðeins 20 til 40 mílur austur af Fáskrúðsfirði.
Unnið er á vöktum allan sólarhringinn meðan vertíðin stendur yfir.
Ljósafell SU
Ljósafell kom inn í gær með tæp 100 tonn. Aflinn var um 30 tonn þorskur, 15 tonn ýsa, 35 tonn karfi, 15 tonn ufsi og svo annar afli.
Skipið fór út kl. 17.00 í dag.
Loðnufrysting hafin að nýju
Það var létt yfir mannskapnum hjá Loðnuvinnslunni hf í morgun þegar byrjað var að landa fyrstu loðnunni eftir tveggja ára kvótalaus ár. Norska uppsjávarskipið Kings Bay frá Fosnavåg er fyrsta skipið sem kemur til löndunar þetta árið og er það með 460 tonn sem fer allt í frystingu.
