Gleðileg jól
Loðnuvinnslan hf óskar starfsfólki og fjölskyldum þeirra gleðilegra jóla og farsældar á komandi ári með þökkum fyrir samstarfið á árinu. Óskum einnig viðskiptavinum gleðilegra jóla með þökk fyrir viðskiptin á árinu.
Vinnum verkið heima
Um jól og áramót nota margir tímann til góðra verka. Þar á meðal er Bergsteinn Ingólfsson yfirvélstjóri á Ljósafellinu og samverkamenn hans í vélarrúminu. „Við erum að taka upp vélina“ sagði Bergsteinn, „ og tilgangurinn er að skoða aðalvélahluta eins og hedd og slífar, hluti vélarinnar sem við getum ekki skoðað nema taka hana í sundur“. Verkið er allt unnið í heimabyggð af starfsmönnum Vélaverkstæðis LVF undir dyggri stjórn hins unga yfirvélstjóra og öllu á að vera lokið þann 1.janúar 2017. Þá verður happafleyinu Ljósafelli ekkert að vanbúnaði að halda til hafs með nýsmurða og yfirfarna vél.
Hoffell
Hoffell er nú að landa um 600 tonnum af síld til söltunar og frystingar. Með því er síldveiðum lokið þetta árið. Skipið fer nú til Akureyrar til að sinna hefðbundnu viðhaldi um jól og áramót. (eins og í fyrra )
Sandfell
Sandfell landaði á laugardag 8,5 tonnum og á sunnudag 6,5 tonnum. Uppistaða aflans var ýsa og fór aflinn allur á fiskmarkað.
Ljósafell
Ljósafell er nú að landa um 72 tonnum. Uppistaða aflans er þorskur til vinnslu í Frystihúsi LVF. Skipið heldur aftur til veiða á morgunn, þriðjudag 13. desember kl 13:00
500 milljónir hjá Sandfelli
Sandfell SU-75 landaði í gær á Stöðvarfirði afla sem ýtti aflaverðmæti skipsins fyrir undangengna tíu mánuði yfir hálfs milljarðs markið.
Loðnuvinnslan hefur gert út bátinn í 10 mánuði og með lönduninni í gær fór aflaverðmæti skipsins fyrir þetta tímabil yfir 500 milljónir króna.
Þá dugar ekki annað en að splæsa í köku, enda feiknafiskerí að baki sem augljóslega kallar á að menn geri sér dagamun.
Gott skip og frábær áhöfn
„Þetta er ótrúlega gott skip og hefur reynst okkur feiknavel síðan það fór í sína fyrstu veiðiferð undir okkar fána í byrjun febrúar á þessu ári. Það fiskar vel og það er alltaf jafn gangur í veiðinni, svo við gætum ekki verið sáttari við stöðu mála. Áhöfnin á skipinu er algerlega frábær og þeir eiga mikið hrós skilið fyrir þá vinnu sem þeir hafa lagt í til að ná þessum áfanga. Þetta eru hreint frábærir karlar,“ sagði Friðrik Guðmundsson framkvæmdastjóri Loðnuvinnslunnar í samtali við 200 mílur.
Á Sandfellinu eru átta karlar, en einungis fjórir menn á í einu. Svo róa menn í tvær vikur í senn og skipta með sér verkum, og það fyrirkomulag hefur augljóslega reynst vel.
Aflinn er um 1900 tonn á þessu tímabili.
Frétt: Mbl.is
Nýr verkstjóri ráðinn
Þriðjudaginn 6. desember var Hannes Auðunsson ráðinn verkstjóri í frystihús LVF. Hann byrjar í janúar n.k.
Hannes tekur við af Björgvini Hanssyni sem hefur verið hjá okkur í 11 ár.
Hannes hefur verið verkstjóri hjá Þórsnesi ehf í Stykkishólmi sl. 2 ár, þar áður hjá Golden Seafood.
Hannes er 28 ára, fæddur á Djúpavogi og kemur ásamt konu og barni hingað á Fáskrúðsfjörð.
Ljósafell
Ljósafell landaði í mogunn um 30 tonnum af þorski til vinnslu í frystihús LVF. Skipið fór strax aftur á sjó að löndun lokinni.
Hoffell
Hoffell er að land um 400 tonnum af síld til söltunar. Leggur af stað í síðasta túr á síld að löndun lokinni.
Ljósafell
Ljósafell er að landa um 90 tonnum. Uppistaðan er þorskur, en einnig 20 tonn af gullkarfa og 20 tonn af ufsa. Skipið fer aftur til veiða á morgun, þriðjudaginn 6. desember kl 13:00
Sandfell
Sandfell er á landleið með um 11,5 tonn og í gær landaði hann 10,7 tonnum. Í Nóvember var báturinn með tæp 200 tonn þrátt fyrir ýmsar frátafir vegna veðurs og verkfalls.
Finnur Frídi
Finnur Frídi kom inn í nótt með tæp 2.500 tonn af kolmunna.