Hoffell er nú að landa makríl og síld, samtals um 220 tonn.

Ljósafell er nú að landa. Aflinn er um 60 tonn og uppistaðan Þorskur. Skipið heldur síðan á miðvikudag í leiðangur á vegum Hafrannsóknarstofnunar.

Hoffell II ( já Gráa gullið ) landaði í morgun 370 tonnum af makríl og síld til vinnslu. Undarlegar reglur stjórnvalda við makrílveiðar ollu því að það þurfti að setja gamla skipið af stað, því það nýja hefur ekki öðlast full réttindi innan stjónkerfisins ennþá.

Ljósafell er nú að landa. Aflinn er um 60 tonn, aðallega karfi.

Hoffell kom inn í morgun með rúm 500 tonn af makríl. Þetta er trúlega síðasti farmurinn af makríl innan lögsögu á þessari vertíð.

Ljósafell er nú komið af stað eftir sumarstopp. Skipið landaði 65 tonnum af makríl þann 4. september og er nú komið til löndunar á Eskifirði með um 48 tonn, aðallega karfa.

Hoffell er komið inn með um 325 tonn, mest makríll. Skipið helur aftur til sömu veiða að löndun lokinni.

Hoffell kom inn kl. 13.oo með 34o tonn af makríl eftir 18 tíma túr. Skipið fer út á laugardag.

Hoffell er á landleið með um 240 tonn af makríl og síld. Skipið fer aftur til sömu veiða að löndun lokinni.

Veiðar á makríl hafa gengið vel að undanförnu. Hoffell landaði um 1000 tonnum í síðustu viku og hefur komið með um 850 tonn í þessari. Þrjár landanir í hvorri viku. Loðnuvinnslan hefur því tekið á móti um 3200 tonnum af makríl á vertíðinni og nánast allur aflinn farið til manneldis.

Hoffell kom með um 380 tonn af makríl í gærkvöld og fer út i kvöld.

Hoffell kom með tæp 400 tonn af makríl í gær og fer út í kvöld.