Hoffell landaði fyrsta makrílnum eftir sumarlokun í gær. Aflinn var 157 tonn. Skipið er farið aftur til sömu veiða.

Í dag eru liðin 80 ár frá stofnun Kaupfélags Fáskrúðsfirðinga. Stofnfundur félagsins var haldinn 6. ágúst 1933 í samkomuhúsinu Álfheimum á Búðum, sem nú heitir Kirkjuhvoll. Fyrstu stjórn félagsins skipuðu: Þórarinn Grímsson Víkingur bóndi Vattarnesi, formaður, Björn Daníelsson kennari, Búðum og Björgvin Benediktsson útgerðarmaður, Búðum og til vara Höskuldur Stefánsson bóndi í Dölum. Fyrsti kaupfélagsstjóri KFFB var Björn I. Stefánsson. Kaupfélag Fáskrúðsfirðinga og dótturfyrirtæki þess hafa um áratugaskeið verið aðal burðarásar í atvinnulífi Fáskrúðsfirðinga og starfsemin byggst að mestu á sjávarútvegi. Aðal eign félagsins í dag er 83% hlutafjár í Loðnuvinnslunni hf sem rekur öfluga sjávarútvegsstarfsemi á Fáskrúðsfirði með um 150 starfsmenn. Félagsmenn KFFB eru um 200.

Stjórn KFFB skipa í dag: Steinn B. Jónasson, formaður, Elvar Óskarsson, varaformaður, Högni P. Harðarson, ritari, Berglind Ó. Agnarsdóttir og Jónína G. Óskarsdóttir. Varamenn: Magnús B. Ásgrímsson, Elsa S. Elísdóttir og Smári Júlíusson. Kaupfélagsstjóri er Gísli J. Jónatansson.



Haldið verður upp á 80 ára afmæli Kaupfélags Fáskrúðsfirðinga laugardaginn 31. ágúst n.k.

Hoffell kom inn í nótt með um 200 tonn af makríl og síld. Þetta er síðasti túrinn fyrir stutta sumarlokun í landvinnslu LVF.

Hoffell er nú að landa um 240 tonnum af makríl og síld. Aflinn er allur flokkaður til manneldis. Skipið heldur aftur til sömu veiða að löndun lokinni.

Í dag er Hoffell að landa um 220 tonnum af makríl og síld í vinnslu hjá LVF. Skipið fer aftur út á sunndagsmorgun 28. júlí, en bæjarhátíðin Franskir dagar er haldin hátíðleg um helgina.

Ljósafell landaði á laugardag 80 tonnum af makríl og í dag, mánudag er Hoffell að landa um 250 tonnum. Allur er aflinn flokkaður til manneldis.

Ljósafell landaði í morgun 86 tonnum af makríl og síld. Skipið heldur aftur til sömu veiða kl 14:00 í dag, fimmdudag 18. júlí.

Hoffell er nú á landleið með um 300 tonn af makríl og síld.

Nú eru veiðar og vinnsla á makríl komin í fullan gang. Hoffell er búið að landa þrem túrum. 365 tonnum 11. júlí. 300 tonnum 14. júlí og 200 tonnum í gær, þann 16 júlí. Ljósafell er einnig komið af stað í makríl.

Á dögunum var tekinn í notkun upphringibúnaður við hjartasuðtæki í sjúkrabílnum á Fáskrúðsfirði. Búnaðurinn er gefinn af Loðnuvinnslunni hf. Bíllinn á Fáskrúðsfirði er sá fyrsti á Austurlandi sem hefur slíkan búnað. Þessi búnaður gerir sjúkraflutningamönnum kleyft að senda hjartalínurit og upplýsingar um ástand sjúklings samstundis úr bílnum til Hjartagáttarinnar á Landspítalanum og til vakthafandi læknis hjá Heilbrigðisstofnun Austurlands. Þetta gerist um leið og línuritið er tekið í sjúkrabílnum. Þannig geta vakthafandi læknar strax metið ástand sjúklings í sjúkrabíl áður en hann kemur á heilbrigðisstofnun, undirbúið móttöku hans og gefið fyrirmæli um meðferð á meðan á flutningi stendur. Þessi búnaður er ekki staðalbúnaður í sjúkrabílum á Íslandi, en er kominn í bíla á nokkrum stöðum á landinu. Búnaðurinn eykur mjög á öryggi sjúklinga og bætir starfsaðstöðu sjúkraflutningamanna. Á Austurlandi eru sjúkraflutningar að jafnaði lengri en í stærri samfélögum vegna vegalengda. Í flestum tilfellum er áfangastaður hjartasjúklinga á Austurlandi Fjórðungssjúkrahúsið í Neskaupstað eða Landspítalinn í Reykjavík.

Ljósafell er nú að landa síðasta túrnum af bolfiski á þessu fiskveiðiári. Aflinn er um 85 tonn, mest þorskur. Næsta verkefni skipsins er að veiða makríl.

Ljósafellið landar þétt þessa dagana. Í morgun landaði skipið 31 tonni sem var að mestu þorskur, en á mánudag landaði skipið um 100 tonnum og var uppistaðan þá ufsi, 63 tonn. Ljósafell er farið aftur á veiðar og landar næst mánudaginn 8.júli, en það verður væntanlega síðasta löndun á bolfiski á þessu fiskveiðiári sem endar 31. ágúst.