Sandfell
Sandfell landaði á Stöðvarfirði í dag. Aflinn er rúm 18 tonn.
Ljósafell með 82 tonn
Ljósafell kom í dag með 82 tonn, 50 tonn ufsi og 30 tonn þorskur
Þrándur í Götu með 2.600 tonn
Þrándur í Götu kom í nótt með 2.600 tonn af kolmunna.
Sandfell landaði 14 tonnum á Stöðvarfirði
Sandfell landaði í gær 14. tonnum af fiski á Stöðvarfirði.
Aflinn fór til vinnslu hjá LVF.
Báturinn hefur þá landað 80 tonnum það sem af er maí.
Ljósafell
Ljósafell er komið inn með fullfermi af blönduðum afla.
Sandfell
Sandfell landaði á Djúpavogi 2. maí, 10 tonn.
3. maí, 11,8 tonn og 4. maí 6,8 tonn. Aflinn hefur að mestu verið unninn í Frystihúsi LVF.
Hoffell
Hoffell er að landa síðasta kolmunnatúrnum. Aflinn er 1.476 tonn
Framundan er síðan slippur og verður farið á Færeyjar til MEST í Þórshöfn.
Ljósafell
Ljósafell er komið inn með um 100 tonn. Uppistaðan þorskur, karfi og ufsi. Brottför á mánudag 2. maí kl 20:00
Sandfell
Sandfelli hefur gengið vel það sem af er viku. Á mánudaginn landaði báturinn 9,2 tonnum, þriðjudag 8,9 tonnum, miðvikudag 10 tonnum og í dag fimmtudaginn 28. apríl, 12,8 tonnum. Öllu hefur verið landað á Djúpavogi, en nokkuð af aflanum hefur verið keyrt á Fáskrúðsfjörð til vinnslu í Frystihús Loðnuvinnslunnar hf.
Aðalfundur Loðnuvinnslunnar hf.
Aðalfundur Loðnuvinnslunnar h/f var haldinn í gær 20. apríl. Hagnaður af rekstri félagsins eftir skatta árið 2015 var 1.963 millj. sem er 96% hærra en 2014. Tekjur LVF að frádregnum eigin afla voru 9.978 millj. sem er 71% veltuaukning milli ára. Eigið fé félagsins á árslok 2015 var 5.664 millj. sem er 48% af niðurstöðu efnahagsreiknings. Stærsti hluthafinn er Kaupfélag Fáskrúðsfirðinga með 83% eignarhlut.
Samþykkt var að greiða 20% arð til hluthafa eða 140 millj. kr.
Stjórn LVF er þannig skipuð: Lars Gunnarsson stjórnarformaður, Elvar Óskarsson, Steinn Jónasson, Jónína Óskarsdóttir og Berglind Agnarsdóttir.
Varamenn: Björn Þorsteinsson og Högni Páll Harðarson.
Loðnuvinnslan færði eftirtöldum aðilum gjafir að upphæð rúmar 20 m.kr.
Knattspyrnudeild Leiknis 9 m.kr.
Björgunarsveitin Geisli vegna bátakaupa 6 m.kr.
Starfsmannafélag Loðnuvinnslunnar 5 m.kr.
Áhugamannahópur um Franska daga á Fáskrúðsfirði 600 þúsund.
Aðalfundur Kaupfélags Fáskrúðsfirðinga
Aðalfundur KFFB var haldinn í gær 20. apríl. Hagnaður árið 2015 var skv. samstæðureikningi 1.626 millj. Eigið fé KFFB var 5.179 millj. eða 99,5% af niðurstöðu efnahagsreiknings.
Stærsta einstaka eign félagins er 83% eignarhlutur í Loðnuvinnslunni hf.
Í stjórn KFFB eru Steinn B. Jónasson stjórnarformaður, Elvar Óskarsson, Högni Páll Harðarson, Jónína Óskarsdóttir og Berglind Agnarsdóttir.
Varamenn: Magnús Ásgrímsson, Elsa Elísdóttir og Smári Júlíusson.
Á aðalfundinum voru veittar gjafir til góðra málefna að verðmæti 6 milljónir króna.
Heilsugæslustöðin á Fáskrúðsfirði tók á móti blóðþrýstingsmæli, hjartalínurita og hjartastuðtæki að verðmæti 600 þúsund.
Sjúkrabíllinn á Fáskrúðsfirði tók á móti sjálfvirkum hjartahnoðara (Lukas2) að verðmæti 2 milljónir.
Hollvinasamtök félagsheimilisins Skrúðs tók á móti 3 milljónum til lagfæringar á félagsheimilinu.
Áhugamannahópur um Franska daga á Fáskrúðsfirði fékk 600 þúsund.
Hoffell
Hoffell er á landleið með um 1500 tonn af kolmunna sem veiddist í Færeysku lögsögunni.