Hoffell
Hoffell landaði 1076 tonnum af kolmunna þann 19. desember. Þetta var síðasta löndun ársins hjá skipinu og er aflinn því orðinn rúm 41 þúsund tonn á árinu. Kolmunni er tæp 19 þúsund, Makríll rúm 10 þúsund, Loðna tæp 9 þúsund og síld rúm 3 þúsund.
Jólin til þín
Miðvikudaginn 18.desember voru haldnir jólatónleikar í Félagsheimilinu Skrúði. Var þar á ferðinni hópur af söngvurum og hljóðfæraleikurum sem fóru um landið með tónleika undir yfirskriftinni Jólin til þín. Hljómsveitin var skipuð einvalaliði hljóðfæraleikara og söngvararnir voru þau Eiríkur Hauksson, Regína Ósk, Rakel Páls og Unnur Birna. Er óhætt að segja að tónleikarnir hafi verið þeir glæsilegustu og jólastemmningin einlæg.
Loðnuvinnslan, ásamt Starfsmannafélagi Loðnuvinnslunnar, bauð öllu sínu starfsfólki á tónleikana og í fordrykk á undan. Var þátttakan góð eða um 90 manns frá fyrirtækinu auk annarra gesta að sjálfsögðu. Heildarmæting á tónleikana var því nokkuð góð. Haft er eftir allmörgum tónleikagestum að kvöldið hafi verið afar ánægjulegt og skemmtilegt, tónlistin hafi verið “unun ein á að hlíða” eins og haft er eftir ónefndum gesti.
Er það fastur liður í aðdrananda jóla hjá mörgum að fara á tónleika, að hlusta á jólalögin flutt af góðu tónlistarfólki er upplifun sem eykur á vellíðan og að gleyma sér eina kvöldstund við tónanna klið er slakandi og skemmtilegt. Að fá tónleikana Jólin til þín, hingað í heimabæinn okkar á desemberkvöldi var afskaplega vel þegið og óhætt er að fullyrða að tónleikagestir hafið farið heim með jólagleði í hjarta.
BÓA
Ljósafell
Hljóðnemar í Grunnskólann
Á dögunum færði Loðnuvinnslan Grunnskóla Fáskrúðsfjarðar fimm þráðlausa hljóðnema að gjöf. Hljóðnemunum fylgir að sjálfsögðu sendir og annar búnaður sem þarf til þess að þeir virki sem skyldi. Er gjöfin að andvirði 250 þúsund króna. Eygló Aðalsteinsdóttir skólastjóri tók á móti gjöfinni fyrir hönd Grunnskólans og aðspurð sagði hún að gjöfin væri afar vel þegin og nemendur og starfsfólk skólans væri afskaplega þakklátt fyrir þessa góðu gjöf. “Þegar við höldum árshátíð Grunnskólans er hefð fyrir því að setja upp eitthvert leikrit og til þess að talað mál skili sér vel út til áhorfenda er nauðslynlegt að hafa hljóðnema” sagði Eygló. Í nóvember s.l. var árshátíð nemenda haldin þar sem sýnd voru atriði úr Konungi ljónanna og undanfarin ár hafa hljóðnemar verið leigðir en að þessu sinni bar svo við að þeir voru uppteknir og þá voru góð ráð dýr og því var ákveðið að leita til Loðnuvinnslunnar sem hefur stutt vel við Skólamiðstöðina um langt skeið. “Þessi gjöf nýtist að sjálfsögðu allri Skólamiðstöðinni” bætti Eygló við því að Leikskólinn, Tónlistarskólinn og Grunnskólinn nýta salinn og þann búnað sem þar er. Þá sagði Eygó að það væri dýrmætt að eiga góða að og vildi gjarnan koma á framfæri þakklæti fyrir greiðsemi og liðlegheit varðandi akstur á börnum til og frá íþróttahúsi þegar færð er slæm og veður eru vond. “Ég hef ósjaldan hringt og spurt hvort að rúta Loðnuvinnslunnar geti ekið nemendum og ávalt fengið góðar viðtökur” sagði Eygló og er þakklæti allra þeirra sem vinna og starfa í Skólamiðstöðinni hér með komið á framfæri.
BÓA
Ljósafell
Hoffell
Sandfell
Endurnýjun í Bræðslunni
Heilmikil endunýjun á tækjum og búnaði stendur nú yfir í Bræðslunni. Í nóvember s.l kom nýr forsjóðari sem leysir af hólmi tæki sem orðin voru slitin og úr sér genginn. Til að knýja forsjóðarann er nýtt svo kölluð afgangsorka frá öðrum tækjum. Forsjóðari þessi var smíðaður hjá Héðni í Reykjvík.
Í dag kom svo nýr sjóðari sem var smíðaður í Harslev í Danmörku. Er þetta heljarmikið tæki sem vegur um 50 tonn og kemur í stað þriggja sjóðara sem voru orðnir meira en 40 ára gamlir. Gömlu sjóðararnir voru keyptir notaðir í Bræðsluna þegar hún var byggð fyrir 22 árum síðan, þannig að þeir hafa þjónað sínu hlutverki vel. Þegar greinarhöfundur leit við í Bræðslunni í dag voru starfsmenn í óða önn við að koma þessu afar stóra tæki inn í hús þar sem það verður tengt og tekið til notkunar við fyrsta tækifæri. Aðspurður sagði Magnús Ásgrímsson verksmiðjustjóri að töluverð endurnýjun hefði átt sér stað í öllum búnaði Bræðslunnar á undanförnu og nýi forsjóðarinn og sjóðarinn væri liður í því. “Græjurnar voru orðnar gamlar og slitnar og allt er þetta liður í endunýjun, við erum að breyta og bæta” sagði Magnús.
Þá er verið að setja nýja sjólögn út frá Bræðslunni. “Það er verið að setja eina djúplögn í stað tveggja grinnri” sagði Magnús og bætti því við að þetta væri afar mikilvægt við manneldisvinnslu og þá sér í lagi við hrognavinnsluna. En við vinnslu á hrognum er lykilatriði að nota mikið af ferskum sjó. Mun því nýja lögnin ná enn lengra út í sjó og liggja mun dýpra sú en sem hún mun leysa af hólmi. Við enda lagnarinnar er svo þriggja metra há sjósía sem sér til þess að sjórinn sem notaður verður sé vel síaður og þar að auki verður nýtt geislatæki við lögnina í landi sem geislar allan sjó sem nýttur verður við manneldisvinnslu og getur geislað 400 tonn á klukkustund.
BÓA