Ljósafell er komið inn með um 80 tonn af fiski fyrir frystihúsið. Aflinn fékkst á stuttum tíma frá því á föstudagskvöldi, en þá var skipið dregið til hafnar af Barða NK. Ljósafellið hafði sem sagt fengið trjádrumba í skrúfuna á Stokksnesgrunni. Sem betur fer lítur út fyrir að ekkert hafi skemmst í þeim látum. Skipverjum á Barða eru sendar bestu þakkir og óskir um góða veiði. Ljósafell fer næst á sjó á þriðjudagsmorgun, 13 maí kl 08:00

Finnur Fridi kemur í kvöld með 2500 tonn af kolmunna. Um 330 mílur er af miðunum.

Aðalfundur KFFB var haldinn 11. apríl s.l.

Hagnaður árið 2013 skv. samstæðureikningi var kr. 428 millj.

Eigið fé KFFB 2,726 millj. eða 99% af niðurstöðu efnahagsreiknings.

Aðaleign félagins er 83% eignarhlutur í Loðnuvinnslunni hf.

Í stjórn KFFB eru: Steinn B. Jónasson, Elvar Óskarsson, Högni P. Harðarson, Jónína G. Óskarsdóttir og Berglind Agnarsdóttir.

Varamenn: Magnús Ásgrímsson, Elsa S. Elísdóttir og Smári Júlíusson.

Kaupfélagsstjóri er Friðrik Mar Guðmundsson.

Mynd frá borðhaldi eftir aðalfund: Fv. Valborg Jónsdóttir og Magnús Þorri Magnússon. Fh. Jens Garðar Helgason og Gísli Jónatansson.

Hoffell er nú á landleið með rúm 1100 tonn af kolmunna sem veiddist í Færeysku lögsögunni. Veiðiferðin er tekin í beinu framhaldi af slipp í Þórshöfn í Færeyjum, þar sem skipið var botnhreinsað og málað.

OLYMPUS DIGITAL CAMERA

Í síðustu viku kom Friðrik framkvæmdarstjóri Loðnuvinnslunar og afhenti okkur heldur betur rausnarlega gjöf frá Kaupfélaginu. Gefnir voru þrír I-pad til leikskólans og nú vinnur starfsfólk að því að safna gagnlegum kennsluforritum í þá svo við getum farið að koma þeim í umferð hjá okkur. Þökkum kærlega fyrir gjöfina, hún á eftir að nýtast vel.

Hrafnhildur